टाइगर कप भलिबल प्रतियोगिताको पुरुषतर्फको उपाधि गण्डकी प्रदेशलाई

धनराज साउँद २ वर्ष अगाडि

तेस्रो टाइगर कप अन्तर्राष्ट्रिय भलिबल प्रतियोगिताको पुरुषतर्फको उपाधि गण्डकी प्रदेशले जितेको छ ।

पोखरा रंगशालाको कभर्ड हलमा आज भएको खेलमा एपीएफ क्लबलाई ३–२ को सेटले हराउँदै गण्डकीले उपाधि जितेको हो ।

पहिलो सेटमा पराजित भएको गण्कीले दोस्रो र तेस्रो सेट जित्यो । चौथो सेट एपीएफले जित्दा खेल २–२ सेटको रोमाञ्चक अवस्थामा पुग्यो । अन्तिम सेट १५–८ ले जित्दै गण्डकी उपाधि जित्न सफल भयो ।

उपाधिसँगै गण्डकीले पाँच लाख रुपैयाँ र उपविजेता बनेको एपीएफले साढे दुई लाख रुपैयाँ पुरस्कार प्राप्त गरेका छन् ।

यस प्रतियाेगिताकाे महिलातर्फको उपाधि भने सशस्त्र प्रहरी बलको एपीएफ क्लबले जितेको छ । आजै भएको खेलमा त्रिभुवन आर्मी ्लबलाई ३–१ को सेटमा पन्छाउँदै एपीएफले उपाधि जितेको हो ।

धनराज साउँद

साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।

क्याटेगोरी : खेलकुद