कुनै पनि खाले हिंसा सहेर नबस्न गाउँपालिका उपाध्यक्ष रावलको आग्रह

बान्नीगढी जयगढ गाउँपालिकामा कानुनी सचेतना तथा साक्षरता कार्यक्रममा जोड दिइएको छ ।

नागरिकलाई वर्तमान ऐन,कानुन र न्यायिक समितिका काम कर्तव्यबारे जागरण फैलाउन कार्यक्रममा जोड दिइएको हो ।

जस अन्तर्गत बुधवार गाउँपालिकाको वडा नम्ब २ ालीकोटमा कानुनी सचेतना तथा साक्षरताका लागी स्थानीयसँग अन्तरक्रिया गरिएको छ ।

कार्यवाहक वडा अध्यक्ष ललिता देवी स्वारको अध्यक्षतामा भएको कार्यक्रममा गाउँपालिका उपाध्यक्ष तथा न्यायिक समिति सदस्य बिन्दु रावल प्रमुख अतिथि रहेकी थिइन् ।

कार्यक्रममा बोल्दै गाउँपालिका उपाध्यक्ष रावलले समाजमा हुने विभिन्न हिंसा न्यूनीकरणका लागी प्रतिबद्ध रहेको बताएकी थिइन् ।

आफु माथि कुनै पनि हिंसा सहेर बस्न नहुनेमा जोड दिँदै उनले कुनै पनि हिंसा तथा समस्या भएमा न्यायिक समिति तथा आफूसँग सम्पर्क गर्न आग्रह गरेकी थिइन् ।

महिला तथा पछाडि पारिएका समुदायहरू माथि हुने हिंसा तथा अन्याय न्यूनीकरणका लागी प्रतिबद्ध रहेको बताउँदै उनले आवश्यक सचेतनाका कार्यक्रमहरू सञ्चालन गरिने प्रतिबद्धता जनाएकी छन् ।

कार्यक्रममा गाउँपालिका प्रवक्ता मोहन ताम्राकार,कार्यपालिका सदस्य तर्क टमटटा लगाता अतिथि रहेका थिए ।

अन्तर्क्रिया कार्यक्रमको सहजीकरण नायब सुब्बा तिलक ठकुल्ला रोजगार संयोजक गणेश सुनारले गरेका हुन् ।

धनराज साउँद

साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।

थप समाचार

बैतडीमा घांस काट्ने क्रममा लडेर स्वास्थ्य स्वयम सेविकाको मृत्यु

डडेल्धुरामा गोली हानेर श्रीमतीको हत्या

किशोरी सशक्तीकरणका लागी अछाममा कथा सुनाउँदै नजबुल खान

पूर्व राज्यमन्त्री शाहलाइ पितृ शोक

पारदर्शिताको विरोधमा कमलबजार एमाले : मलेप प्रतिवेदन तथ्यहीन भएको आरोप

दार्चुलाका एक युवक भारतमा जेल गए