चरेससहित भारतमा दुई नेपाली पक्राउ

बिक्रम परियार २ वर्ष अगाडि

चरेससहित भारतमा दुई नेपाली पक्राउ परेका छन् ।
उत्तराखण्ड प्रहरीको विशेष अपरेशन समूहले चैत ६ गते धारचुला तहसिल नयाँबस्तीबाट महाकाली नगरपालिका–६ पौनेखोलाका ३० वर्षीय उमेश बहादुर पाल र दुहु गाउँपालिका–१ पिपौलचौरीका २६ वर्षीय रवि वँरलाई पक्राउ गरेको हो।
प्रहरीले तीन किलो ६८० ग्राम चरेश सहित उनीहरूलाई सोमवार बेलुकी ७ बजेतिर पक्राउ गरेको हो। पक्राउ परेका दुबैजनाविरुद्ध लागूऔषध ओसारपसार सम्बन्धी एनडीपीएस एक्टअन्तर्गत मुद्दा चलाइएको उत्तराखण्ड प्रहरीले जनाएको छ। बरामद गरिएको चरेश दार्चुला नाकाबाटै भारत लगिएको आशङ्का गरिएको छ। भारतको धारचुला क्षेत्रमा चरेशसहित दुई जना पक्राउ गरिएको खबरपछि खलङ्गास्थित सीमा नाकाको चेकजाँचमा कडाइ गरिएको प्रहरीले जनाएको छ।

बिक्रम परियार

परियार एक दशकदेखी सक्रिय पत्रकारीतामा छन् । उनले समसामयीक बिषयमा कलम चलाउछन् ।

क्याटेगोरी : समाचार, सुदूरपश्चिम