बान्नीगढी जयगढ गाउँपालिका
छाउ प्रथालाई प्रसय दिने सार्वजनिक व्यक्तिलाई कार्वाही गर्ने उपाध्यक्ष रावलको उद्घोष
![](https://ap-south-1.linodeobjects.com/assets.paschimraibar.com/2023/06/IMG_1181-scaled.jpg)
किशोरी तथा महिलाहरूलाई सुरक्षित महिनावारी व्यवस्थापन सम्बन्धी सचेतनामुलक कार्यक्रम कालिकामा सम्पन्न भएको छ ।
बान्नीगढी जयगढ गाउँपालिका महिला बालबालिका तथा ज्येष्ठ नागरिक शाखाको आयोजनामा कालिका स्वास्थ्य चौकीमा सचेतनामूलक कार्यक्रम सम्पन्न भएको हो ।
वडा अध्यक्ष टंक बहादुर साउँदको अध्यक्षतामा भएको सचेतनामूलक कार्यक्रममा गाउँपालिका उपाध्यक्ष बिन्दु रावल प्रमुख अतिथि रहेकी थिइन् ।
कार्यक्रममा बोल्दै प्रमुख अतिथि गाउँपालिका उपाध्यक्ष रावलले अझै पनि समाजमा छाउ प्रथा कायम रहेकोमा चिन्ता व्यक्त गरेकी छन् ।
समाजमा अझै पनि बिद्यमान रहेको छाउ प्रथाको अन्त्य गर्नका लागी महिला तथा किशोरी स्वयम जागरूक बन्नुपर्नेमा जोड दिएकी छन् । छाउ प्रथालाई अपराधको रुपमा परिभाषित गर्दै जारी भएका कानुनहरू कार्यान्वयन गर्नु अहिलेको आवश्यकता भएको उनको भनाई छ ।
सार्वजनिक पद धारण गरेका व्यक्तिहरू नै छाउ प्रथालाई प्रसय दिँदै आएकोमा दुःख व्यक्त गर्दै उनले यो प्रथा अन्त्यका लागी गाउँपालिका आवश्यक कानुनी कार्वाही गर्न तयार रहेको उल्लेख गरेकी छन् ।
जनप्रतिनिधि, शिक्षक तथा सामाजिक अगुवाहरू छाउगोठमा बसेको तथा बसाउन लागी परेको थाहा पाएमा कानुनी कारबाहीका लागी खबर गर्न उनले सवैमा आग्रह गरेकी छन् ।
बाईट बिन्दु रावल
सचेतनामूलक कार्यक्रममा वडा नम्बर ५ कालिका र दर्नाका महिला, किशोरी ,जनप्रतिनिधि लगायतको सहभागिता रहेको थियो ।
कार्यक्रमको सहजीकरण तिलकमान ठकुल्ला,लक्ष्मण टमट्टाले गरेका थिए भने संचालन महिला शाखा प्रमुख समीक्षा थापाले गरेकी थिइन् ।
![](https://www.paschimraibar.com/wp-content/uploads/2023/02/Dhanraj.jpeg)
साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।
क्याटेगोरी : समाचार, सुदूरपश्चिम, स्वास्थ्य-शिक्षा
प्रतिक्रिया