एमाले केन्द्रीय सदस्य बने तिमिल्सैना

पश्चिम रैवार ५ महिना अगाडि

नेकपा एमालेको केन्द्रीय सदस्यमा कमल तिमिल्सैना मनोनीत भएका छन् ।

बिहीबार बसेको सचिवालय बैठकले अछामबाट तिमिल्सैनालाइ केन्द्रीय सदस्यमा मनोनीत गरेको हो ।

नेकपा एमालेको सुदूरपश्चिम प्रदेशको गएको प्रदेश अधिवेशनमा अध्यक्ष पदमा ने तिमिल्सैना आकाङ्क्षी रहेका थिए ।

सो क्रममा हालका प्रदेश अध्यक्ष कृष्ण प्रसाद जैशीलाई सर्वसम्मत प्रदेश अध्यक्ष बनाउन केन्द्रको दबाबसँगै तिमिल्सैनलाइ केन्द्रीय सदस्यमा मनोनीत गर्ने आश्वासन मिले पश्चात् तिमिल्सैनाले उम्मेदवारी फिर्ता लिएका थिए ।

तिमिल्सैना केन्द्रीय सदस्यमा मनोनीत भएसँगै केन्द्रीय कमिटीमा अछाम जिल्लाबाट प्रतिनिधित्व गर्ने सदस्यको संख्या ३ पुगेको छ ।

यस अघि चितवन महाधिवेशनबाट झपट बोहरा र यज्ञ बोगटी केन्द्रीय कमिटी सदस्य छन् ।

नेकपा एमाले अछामका पूर्व अध्यक्ष समेत रहेका तिमिल्सैना अछामको कम्युनिष्ट आन्दोलनका संस्थापक नेता मध्येका एक हुन् ।