अछाममा ट्रक दुर्घटना, ५ जना घाईते

राजेश साउँद ५ महिना अगाडि

अछाममा ट्रक दुर्घटना भएको छ ।

जिल्लाको मंगलसेन नगरपालिका वडा नं. १४ कालागाँउ स्थित दाईजेपानी भन्ने ठाँउ नजिक उक्त ट्रक दुर्घटना भएको हो ।

रामारोशन गाँउपालिकाको मलातीकोट बाट उत्तिसको काठ बोकेर नेपालगंज जादै गरेको ट्रक दुर्घटनाम प ५ जना घाईते भएका छन् ।

सु. प. प्र. ना ६ ख ८३१९ नम्बरको ट्रक दुर्घटनामा गाडी साहु तथा चालक बैतडीको दशरथचन्द नगरपालिकाका हरी सिंह भण्डारी लगायत अन्य ४ जना गरि ५ जना घाईते भएका जिल्ला प्रहरी कार्यालय अछामका प्रमूख तथा डिएसपी ईश्वरी प्रसाद भण्डारीले जानकारी दिएका छन् ।

घाईते हुने चालक बाहेक अन्य ४ जना सबै मंगलसेन नगरपालिकाका हुन् । मंगलसेन नगरपालिका वडा नं १२ बान्नातोली बिर्कुका अर्ून रव, कृष्र्ण रावल, ईन्द्र रावल र शेर कुँवर सामान्य घाईते भएका छन् ।

गाडी साहु भण्डारीको अवस्था मध्यम रहेको पनि डिएसपी भण्डारीले पश्चिम रैवारलाई जानकारी दिएका छन् ।

अन्य ४ जनाको अवस्था सामान्य रहेको उनले बताए । घाईतेहरुलाई घटनास्थलबाट उद्धार गरि उपचारका लागी जिल्ला अस्पताल मंगलसेन लगिएको छ ।