सुदूरपश्चिमका मुख्यमन्त्रीले पाए विश्वासको मत

राजेश साउँद ५ महिना अगाडि

सुदूरपश्चिम प्रदेशका मुख्यमन्त्री कमलबहादुर शाहले विश्वासको मत प्राप्त गरेका छन् ।

प्रदेश सभाको आज ९बुधबार० बसेको बैठकमा शाहले विश्वासको मत प्राप्त गरेका हुन्। ४५ प्रदेश सभा सदस्य उपस्थित रहेको बैठकमा मुख्यमन्त्री शाहको पक्षा ३६ सदस्यले मतदान गरेका थिए। यस्तै विपक्ष ८ सदस्यले मतदान गर्दा एक प्रदेश सभा सदस्य तठस्थ बसेका छन् ।

विश्वासको मत प्राप्त गर्नुअघि मुख्यमन्त्री शाहले विकासको पहिलो आधार राजनीतिक स्थिरता रहेको बताएका छन् । प्रदेश सभामा बुधबार सम्बोधन गर्दै उनले यस्तो बताएका हुन्। राजनीतिक स्थायित्व, सुशासन र विकासका लागि नयाँ राजनीतिक सहमति भएको मुख्यमन्त्रीको भनाइ छ ।

मुख्यमन्त्री शाहले राजस्व ो समस्या समाधान भइसकेको दाबी गर्दै बजेट समस्याको पनि चाँडै निकास दिने प्रयास भइरहेको बताए। विनियोजन ऐन र आर्थिक ऐन पास गरेर चाँडै नै चालु र पुँजीगत खर्च अगाडि बढाउने उनले बताए ।

मुख्यमन्त्रीले आफूले भ्रष्टाचार नगर्ने र अरूलाई पनि गर्न नदिने प्रतिबद्धता समेत जनाएका छन् । भ्रष्टाचार गर्नेलाई कारबाही गर्ने उनको दाबी छ।