केन्याको एक विद्यालयमा आगलागी हुँदा कम्तीमा १७ जनाको ज्यान गयो

सुवाश अधिकारी १ हप्ता अगाडि

केन्याको एउटा विद्यालयको छात्रावासमा राति भएको आगलागीमा कम्तीमा १७ जना जना विद्यार्थीको ज्यान गएको छ । न्येरी काउन्टीको हिलसाइड एन्डारासा एकेडेमीमा मध्यरातमा आगलागी हुँदा बालबालिका सुतिरहेको एक शयनगृह जलेको केन्याको प्रहरीलाई उद्धृत गर्दै बीबीसीले जनाएको छ ।

प्रहरीले पीडितको उमेर खुलाएको छैन । घटनास्थलमा फेला परेका शव चिन्न नसकिने गरी जलेका छन् । धेरै जना घाइते भएको र तीमध्ये १६ जना गम्भीर रूपमा घाइते भएका छन् । आगो के कारणले लागेको हो भन्नेबारे थाहा नभएको तर अनुसन्धान गरेको प्रहरीले जनाएको छ ।

केन्यामा यसअघि सन् २०१७ मा पनि एउटा विद्यालयमा आगलागी हुँदा १० जनाको ज्यान गएको थियो । यस्तै २० वर्ष अघि विद्यालयमै भएको आगलागीमा ६७ जनाले ज्यान गुमाएका थिए ।

सुवाश अधिकारी

अधिकारी पश्चिम रैवारको सह सम्पादक हुन् । रेडियो बान्नीगढीमा समाचार सम्पादक समेत रहेका उनले समसामयीक बिषयमा कलम चलाउछन् ।

क्याटेगोरी : अन्तर्राष्ट्रिय, समाचार