लागू औषध सहित कैलाली र बाजुराबाट चार जना पक्राउ

सुवाश अधिकारी ६ महिना अगाडि

प्रहरीले कैलाली र बाजुराबाट लागू औषध सहित ४ जनालाई पक्राउ गरेको छ । शनिबार कैलालीबाट ३ र बाजुराबाट १ गरी चार जना लागू औषध सहित पक्राउ परेका हुन ।

प्रदेश प्रहरी कार्यालय धनगढीका अनुसार कैलालीको धनगढी उपमहानगरपालिका १७ पथरीयाबाट स्थानीय २३ वर्षीय पप्पु राना पक्राउ परेका छन । उनको साथबाट १३० मिलिग्राम लागू औषध खैरो हेरोइन जस्तो देखिने धुलो पदार्थ बरामद गरिएको प्रहरीले जनाएको छ ।

यस्तै धनगढी उपमहानगरपालिका १५ कनरीबाट २४ वर्षीय नबिन चौधरी पक्राउ परेका छन । उनको साथबाट २९० मिलिग्राम लागू औषध खैरो हेरोइन जस्तो देखिने धुलो पदार्थ बरामद गरिएको छ । यस्तै प्रदेश प्रहरी कार्यालय धनगढीका अनुसार गौरीगंगा नगरपालिका १ चौमाला बजारबाट २९ को हर्क बहादुर भाट पक्राउ परेका छन । उनको साथबाट ५० मिलिग्राम लागू औषध खैरो हेरोइन जस्तो देखिने धुलो पदार्थ बरामद गरिएको जनाएको छ ।

शनिबार नै जिल्ला प्रहरी कार्यालय बाजुराबाट खटिएको प्रहरी टोलीले बडिमालिका नगरपालिका ८ मार्तडी गौडाबाट ३७ वषीय मागी धामीलाई पक्राउ गरेको छ । उनले आफ्नै घरभित्र लुकाई राखेको अवस्थामा ५८।२ ग्राम लागू औषध चरेश जस्तो देखिने कालो पदार्थ बरामद गरिएको प्रहरीले जनाएको छ ।

सुवाश अधिकारी

अधिकारी पश्चिम रैवारको सह सम्पादक हुन् । रेडियो बान्नीगढीमा समाचार सम्पादक समेत रहेका उनले समसामयीक बिषयमा कलम चलाउछन् ।

क्याटेगोरी : अपराध, समाचार, सुदूरपश्चिम