बाजुरा जाँदै गरेको जिप अछाममा दुर्घटना

पश्चिम रैवार ३ हप्ता अगाडि

अछाम – अछाममा जिप दुर्घटना भएको छ । जिल्लाको साँफेबगर नगरपालिका वडा नम्बर ७ रिडीकोटस्थित मध्यपहाडी लोकमार्गमा जिप दुर्घटना भएको हो।

अछामबाट बाजुरा तर्फ गइरहेको लु १ ज ४७११ नम्बरको बलेरो जिप दुर्घटना भएको जिल्ला प्रहरी कार्यालय अछामले जनाएको छ ।
बाजुराको खप्तड छेडेदह गाउंपालिका वडा नम्बर ३ बस्ने २३ वर्षीय रोहित रावतले चलाएको उक्त जिप ब्रेकक फेल भई सडकको नालामा पल्टिएको बताइएको छ ।

उक्त जिपमा सवार चालक सहित ६ जना मध्ये निम्न ३ जना घाईते भई उपचारको लागि न्याय हेल्थ अस्पताल बयलपाटा अछाममा पठाइएको बताइएको छ ।

घाइते हुनेमा बाजुराको त्रिबेणी नगरपालिका वडा नम्बर ६ बस्नेका १९ बर्षीया नन्दा बुढा, बुढीगंगा वडा नम्बर ४ बस्ने २७ वर्षीय राजेन्द्र लुहार र उनको ६ वर्षी छोरा सक्षम लुहार घाइते भएको प्रहरीले जनाएको छ ।

यस्तै चालक रोहित रावत पनि सामानय घाइते रहेको बताइएको छ ।