एमालेको जरा अभियान : तिमिल्सैनमा वडा स्तरीय अभिमुखीकरण सम्पन्न

पश्चिम रैवार २ महिना अगाडि

अछाम – नेकपा एमालेको “जरा अभियान” अन्तर्गत वडा स्तरीय अभिमुखीकरण कार्यक्रम तिमिल्सैनमा सम्पन्न भएको छ । बान्नीगढी जयगढ गाउँपालिका वडा नम्बर ४ तिमिल्सैनका वडा कमिटिका अध्यक्ष झंकर बोहराको अध्यक्षतामा भएको कार्यक्रममा एमाले केन्द्रीय सदस्य तथा अछाम क्षेत्र नम्बर १ का इन्चार्ज कमलराज तिमिल्सैना प्रमुख अतिथि हेका थिए ।

अन्य अतिथिहरूमा पूर्व प्रदेश कमिटी सदस्य लोकबहादुर साउँद, जिल्ला सचिवालय सदस्य नवराज साउँद, पालिका कमिटी अध्यक्ष हर्कबहादुर साउँदलगायतका नेताहरू सहभागी थिए।

कार्यक्रममा प्रमुख अतिथि कमलराज तिमिल्सैनाले जरा अभियानको लक्ष्य र उद्देश्यबारे प्रकाश पार्दै आगामी निर्वाचनमा नेकपा एमालेलाई बहुमतसहितको शक्तिका रूपमा स्थापित गर्न सबै नेता-कार्यकर्ताको सक्रिय भूमिका आवश्यक रहेको धारणा राखे।

उनले जरा अभियानले संगठनलाई बलियो बनाउने बताउँदै, संगठन विस्तार, नीति–विचारको प्रचारप्रसार तथा जनतासँगको सम्बन्धलाई अझ मजबुत बनाउनु अभियानको मुख्य उद्देश्य रहेको उल्लेख गरे।

कार्यक्रमको सञ्चालन एकेन्द्र ठकुल्लाले गरेका थिए।