अछाम ~ बान्नीगढी जयगढ गाउँपालिकामा महिला तथा किशोरीहरूमा देखिने पाठेघरको मुखको क्यान्सर पहिचानका लागि V.I.A. (Visual Inspection with Acetic Acid) जाँच अभियान सञ्चालन भएको छ।
पालिकाका विभिन्न वडामा रहेका स्वास्थ्य संस्थाहरूमार्फत पाठेघरको मुखको क्यान्सरसम्बन्धी प्रारम्भिक जाँच सुरु भएको हो।
यस अभियान अन्तर्गत ४१२ जना महिलाको जाँच गर्दा ४८ जनामा भिआईए पोजिटिभ देखिएको छ।
भिआईए परीक्षण अभियानको नेतृत्व गरिरहेकी रेणु सिंहका अनुसार दर्ना बाहेकका ५ वटा वडामा हालसम्म ४१२ जनामा जाँच गर्दा ४८ जना महिलामा भिआईए पोजिटिभ देखिएको हो।
कालिका स्वास्थ्य चौकीका सिनियर अहेव अविरल साउँदका अनुसार वडा नम्बर ५ कालिकामा १२४ जनामा जाँच गर्दा १२ जनामा भिआईए पोजिटिभ देखिएको छ भने केही महिलाको जाँच अझै बाँकी छ।
भिआईए जाँचको तथ्यांक:
गाज्रामा २७ मध्ये १ जना पोजिटिभ
बरदादेवीमा १२९ मध्ये १६ जना पोजिटिभ
जनालिकोटमा ५५ मध्ये २ जना पोजिटिभ
कालिकामा १२४ मध्ये १२ जना पोजिटिभ
तिमिल्सैनमा ७७ मध्ये १७ जना पोजिटिभ
दर्नामा भोलि भिआईए परीक्षण गरिने छ ।स्वास्थ्यकर्मीहरूका अनुसार भिआईए पोजिटिभ देखिएकाहरूमा पाठेघरको क्यान्सर हुने सम्भावना उच्च रहने भएकाले क्यान्सर भए नभएको एकिन गर्न क्यान्सर अस्पतालमा परीक्षण गराउनु पर्ने छ ।
क्याटेगोरी : पालिका, समाचार, सुदूरपश्चिम, स्वास्थ्य-शिक्षा
थप समाचार
धेरै पढिएका
Follow Us on Facebook
Follow Us on 𝕏
Follow Us on TikTok
Subscribe Us on YouTube
प्रतिक्रिया