अछामकी बालिका भारतमा आफन्तबाटै बलात्कृत : गर्भवति हुदा खुल्यो राज

बलात्कारपछि धम्कीले लुक्यो घटना

धनराज साउँद १ महिना अगाडि

अछाम । भारतको गुजरात राज्यस्थित सुरत शहरमा रोजगारीको सिलसिलामा बस्दै आएका अछाम जिल्लाको एक परिवारकी १२ वर्षीया बालिका बलात्कृत भएकी छिन्।

ती बालिका भारतमै ४६ वर्षीय चिनजानकै नेपाली पुरुषबाट बलात्कृत भएको बताईएको छ ।

बालिकाको परिवारले आरोपितको नाममा उजुरी दिएपछि घटना सार्वजनिक भएको हो।

प्रारम्भिक अनुसन्धान अनुसार बालिकामाथि करिब ७ महिना अघि भारतमै बलात्कार भएको अनुमान गरिएको छ। जिल्ला प्रहरी कार्यालय अछामका प्रमुख प्रहरी नायब उपरीक्षक ईश्वरी प्रसाद भण्डारीका अनुसार बुवा-आमासहित बालिका भारतमै थिइन्।

भारतमै रहेका बेला उनीमाथी गएको साउन २६ गते करणी भएको थियो । करणीबारे कहिकतै बताए ज्यान मार्ने धम्कि दिए पश्चात् परिवारहरु नेपालमा फर्किएकोमा हाल बालिकाको अस्वभाविक रुपमा पेट बढेपछि जाँच गर्दा गर्भवति रहेको खुलेको हो ।

बालिका बलात्कृत भएको बिषयमा जिल्ला प्रहरी कार्यालय अछाममा यहि फागुन ४ गते जाहेरी पश्चात् आवश्यक अनुसन्धान भईरहेको प्रहरीले बताएको छ ।

आरोपित पुरुषको खोजी गरि पक्राउ गर्न प्रहरीले कुटनितिक पहल सुरु गरेको प्रहरी नायव उपरिक्षक ईश्वरी प्रसाद भण्डारीले बताएका छन् ।

धनराज साउँद

साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।

क्याटेगोरी : अपराध, समाचार, सुदूरपश्चिम