अछाममा माटो खन्ने क्रममा ढिस्को खस्दा जेठानी-देउरानीको मृत्यु

धनराज साउँद २ दिन अगाडि

अछाम । अछामको मंगलसेन नगरपालिका–८, ओलिगाउँ सुतुडा मा माटो खन्ने क्रममा ढिस्को खस्दा दुई महिलाको मृत्यु भएको छ।

सोमबार दिउँसो स्थानीय रातिमाटे भन्ने ठाउँमा माटो निकाल्ने क्रममा अचानक ढिस्को खस्दा उनीहरू पुरिएको घटनास्थलमा रहेका स्वास्थ्यकर्मी पुष्प बोहराले जानकारी दिनुभयो।

मृत्यु हुनेमा स्थानीय देउरुपा बोहरा र विनिता बोहरा (अन्दाजी ३०–३५ वर्ष) रहेका छन् । उनीहरु जेठानी देउरानी रहेको बताइएको छ ।

स्वास्थ्यकर्मी बोहराका अनुसार माटोको ढिस्को ठूलो भएकाले अझै भित्र अरू पनि फसेका हुन सक्ने आशंका गरिएको छ। घटनापछि स्थानीयबासी उद्दार कार्यमा जुटेका छन् भने प्रहरीलाई पनि खबर गरिएको छ।

चैते दशैंको समयमा घर लिपपोत गर्नका लागि सो क्षेत्रका महिलाहरू नियमित रूपमा रातो माटो खन्न जाने गरेका थिए।

धनराज साउँद

साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।

क्याटेगोरी : समाचार, सुदूरपश्चिम