अछाममा चट्याङ लागेर दुइ जना घाइते, ५ बाख्रा मरे

पश्चिम रैवार २ हप्ता अगाडि

अछाम– अछाममा चट्याङ लागेर एकै घरका दुई दिदीबहिनी घाइते भएका छन्, ५ वटा बाख्रा मरेका छन् ।

जिल्लाको मेल्लेख गाउँपालिका–६ षोडशा माडीगडा बस्ने रतिराम बोहराको घरमा आइतवार बेलुकी चट्याङ पर्दा बोहराकी ५ वर्षीया छोरी मेनुका बोहरा र १५ वर्षीया निर्मला बोहरा घाइते भएका हुन्।

घाइते दुबै जना दिदीबहिनीको बयलपाटा अस्पतालमा उपचार भइरहेको जिल्ला प्रहरी कार्यालय अछामका प्रहरी नायव उपरीक्षक ईश्वरी प्रसाद भण्डारीले बताए ।

यस्तै सोहि ठाउँको वडा नम्बर २ डाँडाश्री बस्ने परेक बुढाका ३० बाख्रामध्ये ५ वटा बाख्रा मरेका छन् ।

आइतवार सुगन जंगलमा बाख्रा चराउने क्रममा एक्कासी चट्याङ पर्दा उनका ३० वटा बाख्रा मध्ये ५ वटा बाख्रा सोही जंगलमा मरेका प्रहरीले जनाएको छ। अन्य २५ वटा बाख्रा भने सकुशल रहेका जनाइएको छ।