डडेल्धुराकी यी तीन दिदीबहिनि आमाको किरिया गर्दै

पश्चिम रैवार २ हप्ता अगाडि

डडेल्धुरा– डडेल्धुराकि तीन दिदीबहिनि आफ्नोआमाको किरिया गरिरहेका छन् ।

डडेल्धुराको परशुराम नगरपालिका–६ तातापानी माइतीघर भएकी रोहिता कठायत, दुरा थापा र मानमती कार्की आफ्नी आमाको किरिया पुत्रि बसेकी हुन् ।

उनीहरूका ७९ वर्षीय बुबा खड्कसिंह अपाङ्गता भएका व्यक्ति हुन् भने परिवारमा दाजुभाइ छैनन् । आमा राधादेवी खड्काको मृत्युपछि तीन दिदीबहिनीले किरिया गरेर छोरीहरूले पनि परम्परागत रुपमा काज किरिया गर्न सक्छन् भन्ने सन्देश दिएका छन् ।

चार दिदीबहिनीमध्ये जेठी बिर्मा बडूवाल महिनावारी भएका कारण किरियामा बस्न नसकेकी हुन् ।

आमाले मृत्युअघि नै छोरीहरूले किरिया गरिदिन अनुरोध गरेकाले उनीहरू तयार भएको बताएका छन् ।

हिन्दू परम्परामा छोरा वा पुरुष सदस्यहरूले किरिया गर्ने चलन भए पनि पछिल्लो समय महिलाहरूले पनि किरिया गर्ने परिपाटी बढ्दै गएको छ।

यस घटनाले समाजमा नयाँ चेतना फैलाउने विश्वास गरिएको छ। उनीहरू पाँच दिनदेखि आमाको किरिया गरेर बसेका छन्।

उनीहरूकी आमा राधादेबी खड्काको १ चैतमा मृत्यु भएपछि उनीहरु किरिया बसेका हुन्।