दार्चुला महोत्सव चैत्र १५ देखि हुने  

  दार्चुला– सुदूरपश्चिम पर्यटन व्यापार मेला तथा दार्चुला महोत्सव–२०८१ यही चैत्र १५ देखि २५ गतेसम्म सञ्चालन हुन भएको छ ।

महोत्सवको तिब्र तयारी भइरहेको दार्चुला उद्योग वाणिज्य संघका अध्यक्ष सुरेश सिंह थापाले बताए । जिल्ला सदरमुकाम खंलगामा सञ्चालन हुने महोत्सवको लागी अहिले स्टल लगायत मञ्च निर्माणको सामान महोत्सव सञ्चालन स्थालमा आइसकेको उनले बताए ।

१० दिनसम्म सञ्चालन हुने महोत्सवमा राष्ट्रिय र स्थानीय स्तरका कलाकारहरुको प्रस्तुति रहने आयोजकले जनाएको छ । महोत्सवमा स्थानीय कला संस्कृति, प्रद्धर्शनीका साथै कृषि मेला समेत सञ्चालन गरिने छ ।