बान्नीगढीको कक्षा ८ को नतिजा सार्वजनिक : आधाभन्दा बढी विद्यार्थी फेल

धनराज साउँद ४ दिन अगाडि

अछाम । बान्नीगढी जयगढ गाउँपालिका अछामले शैक्षिक सत्र २०८१ को आधारभूत तह कक्षा ८ को नतिजा सार्वजनिक गरेको छ।

सार्वजनिक नतिजाअनुसार गाउँपालिकाभरि जम्मा ४३० विद्यार्थी परीक्षामा सहभागी भएका थिए । जसमध्ये २०४ जना विद्यार्थी मात्र उर्तिण भएका छन्। यसअनुसार उर्तिण प्रतिशत ४७.४४ रहेको छ।

गाउँपालिकाका विभिन्न आठ विद्यालयहरूमध्ये सबैभन्दा बढी विद्यार्थी संख्या श्री सरस्वति माद्यामिक बिद्यालय जयगढमा देखिएको छ जहाँ ८१ विद्यार्थीले परीक्षा दिएका थिए। त्यस्तै सबैभन्दा कम विद्यार्थी संख्या श्री शान्नीकोट आधारभूत विद्यालय कालिकामा २३ जना मात्र सहभागी थिए।

बान्नीगढी जयगढ गाउँपालिकाका निमित्त प्रमुख प्रशासकीय अधिकृत बसन्त बहादुर रावलले नतिजा सार्वजनिक गर्दै विद्यार्थीहरूको शैक्षिक सुधारका लागि थप नीतिगत पहल आवश्यक रहेको बताएका छन्।