वडा स्तरीय खुला पुरुष भलिबल प्रतियोगिता धारासैनमा सुरु

पश्चिम रैवार ३ दिन अगाडि

अछाम । बान्नीगढी जयगढ गाउँपालिका वडा नम्बर ३ बर्दादेवी धारासैनमा वडा स्तरिय पुरुष भलिवल प्रतियोगिता सुरु भएको छ ।

धारासैन युवा क्लबको आयोजनामा वडा स्तरीय खुला पुरुष भलिबल प्रतियोगिता सोमवारदेखी सुरु भएको हो। प्रतियोगिता समिति संयोजक खेमराज साउँदको अध्यक्षतामा भएको प्रतियोगिताको उद्घाटन समारोहमा प्रमुख अतिथि गाउँपालिकाका कार्यबाहक अध्यक्ष नेत्र बहादुर साउँद रहेका थिए।

कार्यक्रममा वडा नम्बर ३ का अध्यक्ष नवराज साउँद, गाउँपालिकाका प्रवक्ता मोहनलाल ताम्राकार, निमित्त प्रमुख प्रशासकीय अधिकृत बसन्त बहादुर रावल लगायतका अतिथि रहेका थिए । उद्घाटन समारोहमा राकेश साउँदले स्वागत मन्तव्य व्यक्त गरेका थिए भने खगेन्द्र साउँदले कार्यक्रम सञ्चालन गरेका थिए।

प्रतियोगिताका खेलहरू भोलि बिहान ८ बजेबाट सुरु हुने आयोजकले जनाएको छ। आयोजकका अनुसार प्रतियोगिताले स्थानिय खेलाडीहरूलाई हौसला प्रदान गर्नुका साथै खेलकुदको प्रवर्द्धनमा महत्वपूर्ण भूमिका खेल्नेछ।

प्रतियोगिताका प्रथम,द्वितीय र तृतिय हुनेलाई मेडल ट्रफि सहित क्रमश: ५० हजार,३० हजार र २० हजार पुरस्कारको व्यवस्था गरिएको छ ।