जयगढ आगलागी : बजार व्यवस्थापन समितिको पहलमा ४६ हजार राहात संकलन

धनराज साउँद ७ सेकेन्ड अगाडि

अछाम । बान्नीगढी जयगढ गाउँपालिकाको जयगढ बजारमा गएको चैत्र २६ गते भएको आगलागीबाट पीडित भएकाहरुको सहयोगार्थ बजार व्यवस्थापन समिति सक्रिय बनेको छ।

समितिको पहलमा जयगढ बजारका व्यापारी तथा स्थानीयहरूबाट हालसम्म रु ४६ हजार ५५ रूपैँया आर्थिक राहत संकलन गरिएको छ।

राहत संकलन कार्य बजार व्यवस्थापन समिति अध्यक्ष पूर्ण शेट्टीको नेतृत्वमा भएको हो।

संकलन अभियानमा रतन बहादुर साउद, रमेशराज तिमिल्सैना, उद्दब शाह, तपेन्द्र साउद र खेमराज खड्काले सक्रिय भूमिका खेलेका छन्।

अध्यक्ष शेट्टीका अनुसार संकलित राहत रकम आगलागी पीडित तथा सरोकारवाला निकायहरूसँग परामर्श गरी पारदर्शी ढंगले वितरण गरिनेछ। उनले थपे, “पीडितहरूको अवस्था बुझेर, उनीहरूको प्राथमिकता र आवश्यकतालाई आधार मानेर सहायता रकम बितरण गरिनेछ।”

गएको चैत्र २६ गते साँझ आगलागी हुँदा जयगढ बजारमा रहेको २५ वटा घर तथा टहरा र तिनमा संचालित ३५ वटा पसलहरु पूर्ण रुपमा ध्वस्त भएका छन् । उक्त आगलागीबाट ८ करोड बढिको क्षति भएको प्रारम्भिक प्रतिवेदनले देखाएको छ ।

धनराज साउँद

साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।

क्याटेगोरी : समाचार, सुदूरपश्चिम