कञ्चनपुरमा नक्कली बुवा बनेर विवाहित पुरुषको दोस्रो बिहे गराउने पक्राउ

पश्चिम रैवार ४ दिन अगाडि

कञ्चनपुर– कञ्चनपुरमा नक्कली बुवा बनेर बहुविवाह गराउने एक जना पक्राउ परेका छन् । डडेल्धुराको अमरगढी नगरपालिका–३ का ४२ वर्षीय वीरबहादुर ऐर पक्राउ परेको जिल्ला प्रहरी कार्यालय कञ्चनपुरका प्रवक्ता एवं प्रहरी नायव उपरीक्षक उमेशराज जोशीले बताउनुभयो ।

डडेल्धुराको भागेश्वर गाउँपालिका–४ का ३२ वर्षीय विष्णुप्रसाद मालीको नक्कली बुवा बनेर बहुविवाह गराउन भूमिका खेलेको उनीमाथि आरोप छ । मालीले ३१ वर्षीया एक युवतीलाई झुक्याएर विवाह गरेका थिए । माली र कञ्चनपुरको वेदकोट नगरपालिका–२ का जनकबहादुर धामीलाई प्रहरीले यसअघि नै पक्राउ गरिसकेको छ ।