Hikmat Acharya
  • ३ चैत्र २०८१, सोमबार
  • काठमाडौं
Paschim Raibar

भारतमा काम गर्दै आएका बाजुराका एक जना बैतडीमा मृत भेटिए


बैतडी– बैतडीमा शनिबार फेला परेको बेवारिसे शवको पहिचान खुलेको छ ।

जिल्लाको दोगडाकेदार गाउँपालिका–५ दोलीमा फेला परेको शव बाजुराको खप्तड छेडदह गाउँपालिका –६ मैतोलाका ३४ बर्षीय गोपाल नाथको रहेको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए ।

महाकाली राजमार्ग अन्तर्गत सतबाँझ –गोकुलेश्वर सडकखण्डको दोली सडक छेउमा शनिबार बिहान ८ बजेतिर उक्त शव फेला परेको थियो ।

शवको पहिचान हुन नसकेपछि प्रहरीले हुलियासहित सार्वजनिक सूचना प्रवाह गरेको थियो । उक्त शवको नाथको रहेको भन्दै मृतकका आफन्त सम्पर्कमा आएका प्रहरी निरीक्षक पाण्डेयले बताए । बाजुराबाट मृतकका आफन्त भोलिमात्रै बैतडी आइपुग्ने बताइएको छ ।
भारतमा काम गर्दै आएका नाथ मृत फेला परेपछि उनको शवलाई जिल्ला अस्पतालको शव गृहमा राखिएको छ । आफन्त पुगेपछिमात्रै पोष्टमार्टमको कार्य अघि बढ्ने प्रहरी निरीक्षक पाण्डेयले बताए ।
मृतकका आफन्त बैतडी आएपछिमात्रै थप विवरण खुल्ने उनले बताए ।


क्याटेगोरी : समाचार, सुदूरपश्चिम

प्रतिक्रिया


धेरै पढिएका

प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode