गाउँपालिका अध्यक्ष कपको उपाधि उचालेको भलिबल टिमलाई बान्नीगढीमा स्वागत सहित सम्मान

खेलाडीको पक्षमा आवश्यक काम गर्ने गाउँपालिका अध्यक्ष साउँदको प्रतिबद्धता

धनराज साउँद २ वर्ष अगाडि

मेल्लेख गाउँपालिकामा सम्पन्न भएको गाउँपालिका अध्यक्ष भलिबल कपको उपाधि जितेको भलिबल टिमलाई बान्नीगढी जयगढ गाउँपालिकामा स्वागत गरिएको छ ।

गाउँपालिका अध्यक्ष टेक बहादुर साउँदको अध्यक्षतामा एक कार्यक्रमका बिच भलिबल टिमका खेलाडीाई स्वागत सहित सम्मान गरिएको हो । कार्यक्रममा गाउँपालिकाको भलिबल टिमका टिम क्याप्टेन वसन्त कुमार साउँदले प्रतियोगीताको उपाधिको ट्रफि गाउँपालिकालाई हस्तान्तरण गरेका छन् ।

खेलाडीहरूलाई स्वागत सहित सम्मान गर्दै गाउँपालिका अध्यक्ष टेक बहादुर साउँदले खेलाडीको हकहित र खेलकुद क्षेत्रको विकासका लागी आवश्यक योजना अघि बढाउने प्रतिबद्धता जनाएका छन् ।

बान्नीगढी गाउँपालिकाको टिम मेल्लेखमा सम्पन्न गाउँपालिका अध्यक्ष कपको उपाधि उचाल्न सफल भएकोमा खुसी व्यक्त गर्दै उनले यो उपलब्धिले गौरवान्वित भएको प्रतिक्रिया दिएका छन् ।

खेलकुद क्षेत्रको विकाससँगै खेलाडीको हक हितका लागी आवश्यक काम गर्न गाउँपालिका सरकार प्रतिबद्ध रहेको बताउँदै अध्यक्ष साउँदलाई खेलाडीहरूलाई एकताबद्ध भएर अघि बढ्न आग्रह समेत गरेका छन् ।

कार्यक्रममा भलिबल टिमका खेलाडी तथा प्रशिक्षकलाई खादा र अविरले स्वागत सहित सम्मान गरिएको थियो ।

यसैबिच बान्नीगढी जयगढ गाउँपालिका उपाध्यक्ष बिन्दु रावलले गाउँपालिका अध्यक्ष भलिबल कपको उपाधि विजेता भलिबल टिमका खेलाडीहरूलाई आफ्नो एक महिनाको सेवा सुविधा दिने घोषणा गरेकी छन् ।

प्रतियोगितामा प्रथम स्थान हाँसील गर्न सफल गाउँपालिकाको भलिबल टिमका खेलाडीहरूलाई आफ्नो एक महिनाको सेवा सुविधा ाफतको क उपलब्ध गराउने उपाध्यक्ष रावलले घोषणा गरेकी हुन् ।

मेल्लेख गाउँपालिकाको आयोजनामा ऋषिदहमा सम्पन्न प्रतियोगीताको ट्रफि उचाल्न सफल टिमका खेलाडीहरूलाई स्वागत तथा सम्मान गर्दै उनले मासिक सेवा सुविधा बापत हुन आउने रु ३० हजार उपलब्ध गराउने प्रतिबद्धता जनाएकी छन् ।

खेलाडीहरूको हौसला र सम्मानका लागी सानो सहयोग स्वरूप उक्त रकम सहयोग गर्ने घोषणा गरेको उनको भनाई छ । खेलकुद क्ेत्रको वकाले गाउँ ठाउँको पहिचानसँगै विकासमा समेत टेवा पुग्ने बताउँदै उपाध्यक्ष रावलले खेलाडीहरूको पक्षमा आगामी दिनमा आवश्यक काम गर्ने प्रतिबद्धता व्यक्त गरेकी छन् ।

शुक्रवारदेखी मेल्लेख गाउँपालिकाको ऋषिदहमा संचालन भएको पालिका स्तरीय गाउँपालिका अध्यक्ष खुला पुरुष भलिबल प्रतियोगितामा बान्नीगढी जयगढ गाउँपालिकाले सोमवार उपाधि हात पारेको थियो ।

उपाधि हात पारेसँगै गाउँपालिाको भलिबल टमले २ लख १ हजार १ सय ११ नगद सहित मेल ट्रफि र प्रमाण पत्र हात पारेको छ ।