नेपाल विद्यार्थी संघ
नेबिसंघ केन्द्रीय समितिमा अछामका १७ जना मनोनीत : मनोनीत पनि असन्तुष्ट
नेता शाहद्वारा पार्टी परित्यागको घोषणा
![](https://ap-south-1.linodeobjects.com/assets.paschimraibar.com/2023/08/Nepal-su.jpeg)
एक जना संयोजककै भरमा चलिरहेको नेपाल विद्यार्थी संघको केन्द्रीय कार्य समितिले लामो समयपछि पूर्णता पाएको छ ।
नेपाली कांग्रेस निकट भातृ संगठन नेपाल विद्यार्थी संघको केन्द्रीय कार्य समितिलाई पार्टीका सभापति शेर बहादुर देउवाले यही श्रावण २२ गते पूर्णता दिएका छन् ।
घोषणा गरिएको ७ सय १० सदस्यीय केन्द्रीय समितिमा अछाम जिल्लाबाट १७ जना विद्यार्थी नेता अटाएका छन् । केन्द्रीय कार्य समिति मनोनयनका बिषयमा भने अछाम जिल्लाका नेविसंघका नेताहरू विरोधमा उत्रिएका छन् ।
सामाजिक संजालमा माध्यम बाट विरोध जनाइरहेका नेविसंघका नेता हरु संगठन निर्माणमा त्याग तपस्या गरेका र योगदान गरेका व्यक्तिहरूलाई छुटाएको आरोप लगाइ रहेका छन् ।नेविसंघ अछामका केहि नेताहरूले मनोनीत गरिएका नाममा असहमति जनाउँदै विरोधको मसाल जलाएका छन् ।
नेविसंघमा गुट चलाउन खोजिएको र पकेटका मान्छेहरूलाई भर्ना गरेर सङ्गठनको गरिमा नै घटाएको उनीहरूको आरोप छ ।
संगठनका सच्चा र इमान्दार नेता कार्यकर्तालाई पाखा लगाएर चाकडी गर्ने, नेताहरूको नजिक घुमिरहने र धरातलको राजनीतिसँग नजोडिएकाहरुलाई नै स्थान दिएर गठन गरिएको भन्दै उनीहरूले व्यापक आलोचना गरिरहेका छन् । उनीहरूको आलोचना सही हो भन्ने किसिमको मनोनयन छ ।
घोषणा गरिएको ७ सय १० सदस्यीय केन्द्रीय समितिमा अछाम जिल्लाको निर्वाचन क्षेत्र नम्बर १ को ख प्रदेश सभा क्षेत्र बाट भने १ जना पनि विद्यार्थी नेता केन्द्रीय सदस्यको छनौटमा परेनन् ।
अछाम १ को ख क्षेत्र बाट कुनै पनि विद्यार्थी नेता केन्द्रीय समितिमा नपरेको भन्दै आलोचना मात्र भईरहेको छैन कि विद्यार्थी नेता नवीन शाहले नेपाली कांग्रसको साधारण सदस्यबाट समेत राजीनामाको घोषणा गरेका छन् ।
संगठन निर्माणमा त्याग तपस्या गरेका र योगदान गरेका व्यक्तिहरूको अवमुल्याँकन गरिएको र नेपाली कांग्रेस पार्टीका संगठनका पदहरू चाकरी र लेनदेनका भरमा बितरण गरिएको उनको आरोप छ ।
बाईट : नवीन शाह
केन्द्रीय कमिटीमा परेकाहरू पनि असन्तुष्ट :-
नेबिसंघको केन्द्रीय कार्य समितिमा नपरेकाहरुको असन्तुष्टिका बिचमा लिस्टमा समेटिएका हरु पनि सन्तुष्ट छैनन् ।
केन्द्रीय कमिटीमा मनोनीत भएका मध्य बमबहादुर स्वार नेविसंघ अछामका पुराना नेता हुन । उनै स्वारले फेसबुकमा केन्द्रीय समिति बिस्तार प्रति आफ्नो असन्तुष्टि छर्लङ्ग हुने गरी छरपस्ट पारेका छन् ।
उनले प्रस्ट नाम लेखेका छैनन् तर घुमाउरो शैलीमा प्रस्ट बुझिने भाषामा मनोनीत भएका मध्य केहीको लगानी र योगदान प्रति प्रश्न गरेको बुझ्न गाह्रो छैन । कसैलाई केन्द्रीय सदस्य हुन १८ बर्ष लाग्ने,कोही १८ बर्ष नपुग्दै केन्द्रीय सदस्य हुने सामाजिक संजाल फेसबुकमा उनले प्रश्न गरेका छन् ।
नेताको निकट भएकै कारण केहि नेता केन्द्रीय समितिमा परेको आरोप लगाउने स्वार स्वयम नेपाली कांग्रेस अछामका जिल्ला सभापति समेत रहेका अछाम ( २ बाट निर्वाचित प्रतिनिधिसभा सदस्य पुष्प बहादुर शाहका स्वकीय सचिव हुन ।
धन्य हो प्रभु,कृपा दृष्टि सधैँ लागी रहोस् समेत लेखेका स्वारले विधि र प्रकृया अनुसार संगठन नचलेका कारण आफूले सामाजिक संजालमा असन्तुष्टि व्यक्त गरेको बताए ।
नेपाल विद्यार्थी संघ अछामका अध्यक्ष खेमराज खड्काले भने केन्द्रीय कार्य समितिमा नेविसंघमा लामो समयदेखी क्रियाशील र सक्रिय केहि पुराना नेतासँगै केहि सम्भावना र आशा गर्न सकिने युवा नेताहरू समेटिएको प्रतिक्रिया दिएका छन् ।
कार्य समितिमा जिल्लामा नेविसंघका लागी त्याग बलिदान गरेका पुराना नेता छुटेको सन्दर्भमा आफूले केन्द्रीय अध्यक्ष समक्ष ध्यानाकर्षण गराएको दाबी गर्दै उनले सकारात्मक नतिजा आउने बताएका छन् ।
सङ्गठनमा त्याग र बलिदान गरेकाहरूको अवमुल्याँकन हुनुका साथै भूगोललाई बेवास्था गरिएको भन्दै कांग्रेस अछामका धेरै नेता कार्यकर्ताले आगामी निर्वाचनका क्रममा फरक परिणाम दिने समेत उल्लेख गरेका छन् ।
नेविसंघको केन्द्रीय कार्य समिति बिस्तारबारे जिल्लाका विद्यार्थी नेता तथा कार्यकर्तामा व्यापक रुपमा असन्तुष्टि बढे पनि यस बिषयमा पार्टीका नेताहरू भने मौन देखीएका छन् ।
![](https://www.paschimraibar.com/wp-content/uploads/2023/02/Dhanraj.jpeg)
साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।
क्याटेगोरी : राजनीति, समाचार, सुदूरपश्चिम
प्रतिक्रिया