कोजाग्रत पूर्णिमामा लाग्ने सैनिगडा मेला अव देखी चतुर्दशीमा लाग्ने
![](https://ap-south-1.linodeobjects.com/assets.paschimraibar.com/2023/10/TMLSEN.jpeg)
हरेक बर्ष कोजाग्रत पूर्णिमाका दिन लाग्दै आएको सैनिगडा मेला यस बर्षदेखी कोजाग्रत चतुर्दशीका दिन लाग्ने भएको छ ।
बान्नीगढी जयगढ गाउँपालिका वडा नम्बर ४ तिमिल्सैनको सैनिगडामा हरेक बर्ष कोजाग्रत पूर्णिमाका दिन लाग्दै आएको सैनिगडा मेला यस बर्षदेखी कोजाग्रत चतुर्दशीका दिन लाग्ने भएको हो ।
वडा सरकार र स्थानीय अगुवा तथा सर्वसाधारणको सर्वपक्षीय निर्णय अनुसार यस बर्षदेखी मेलालाई बिगतका वर्षभन्दा एक दिन अघि तथा चतुर्दशीका दिन मनाइने निर्णय गरिएको वडा अध्यक्ष किरण खत्रीले बताए ।
वडा अध्यक्ष खत्रीका अनुसार चतुर्दशीका दिन राँगा तथा बोकाको बलि दिइने छ भने कोजाग्रत पूर्णिमाका दिन देउडा खेल लगायत विविध साँस्कृतिक कार्यक्रमको आयोजना गरिने छ ।
परापूर्व काल देखी हरेक बर्ष तिमिल्सैनको सैनिगडामा कोजाग्रत पूर्णिमाका दिन बर्दादेवी मताको पूजा अर्चना गरि राँगा तथा बोकाको बलि चढाउने प्रचलन रही आएको छ ।
![](https://www.paschimraibar.com/wp-content/uploads/2023/02/Dhanraj.jpeg)
साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।
क्याटेगोरी : कला-साहित्य, समाचार, सुदूरपश्चिम
प्रतिक्रिया