बालकुमारीमा ज्यान गुमाएका शाहको परिवारलाई चौरपाटीको डेढ लाख सहयोग
![](https://ap-south-1.linodeobjects.com/assets.paschimraibar.com/2024/01/%E0%A4%95%E0%A4%AE%E0%A4%B2%E0%A4%AC%E0%A4%9C%E0%A4%BE%E0%A4%B0-%E0%A4%A8%E0%A4%97%E0%A4%AA%E0%A4%BE%E0%A4%B2%E0%A4%BF%E0%A4%95%E0%A4%BE%E0%A4%AE%E0%A4%BE-%E0%A4%AD%E0%A5%81%E0%A4%95%E0%A4%AE%E0%A5%8D%E0%A4%AA%E0%A4%95%E0%A5%8B-%E0%A4%A7%E0%A4%95%E0%A5%8D%E0%A4%95%E0%A4%BE_20240107_185822_0000-scaled.jpg)
अछामको चौरपाटी गाउँपालिकाले ललितपुरको बालकुमारी घटनामा मारिएका वीरेन्द्र शाहको परिवारलाई डेढ लाख रुपैयाँ प्रदान गरेको छ ।
गत शुक्रवार बालकुमारीमा भएको आन्दोलनका क्रममा ज्यान गुमाएका चौरपाटी गाउँपालिका वडा नम्बर १ का शाहको परिवारलाई राहत स्वरूप गाउँपालिकाले एक लाख ५० हजार रुपैयाँ दिने निर्णय गरेको थियो।
सोही अनुरूप आज गाउँपालिकाका अध्यक्ष भीम बहादुर साउँदले उनको परिवारलाई १ लाख ५० हजारको चेक हस्तान्तरण गरेका हुन् ।
गाउँकार्यपालिकाको यस अघिको आठौँ कार्यपालिका बैठकले शाहको निधनमा शोक प्रस्ताव पारित गर्दै मृतकको परिवारलाई एक लाख ५० हजार प्रदान गर्ने निर्णय गरेको थियो ।
गत शुक्रवार पानीजहाज बनाउने कामका लागि कोरिया भाषा परीक्षा दिएका, तर फेल भएका युवाहरूले पुनः भाषा परीक्षामा सहभागी हुन पाउनुपर्ने माग गर्दै ललितपुरको बालकुमारी क्षेत्रमा प्रदर्शन गर्ने क्रममा चौरपाटी १ का शाहको मृत्यु भएको थियो ।
त्यस क्रममा प्रहरीसँगको धरपकडमा अछामका वीरेन्द्र शाहसँगै दैलेखका सुजन रावतको मृत्यु भएको थियो ।
![](https://www.paschimraibar.com/wp-content/uploads/2023/02/Dhanraj.jpeg)
साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।
क्याटेगोरी : राजनीति, समाचार, सुदूरपश्चिम
प्रतिक्रिया