धनगढीको स्टेपिङ्गमा पढाइसँगै परोपकार : श्रीमान् गुमाएकी चौधरीलाई २७ हजार
![](https://ap-south-1.linodeobjects.com/assets.paschimraibar.com/2024/01/lXo2Jqfm-20240111_100324-scaled.jpg)
धनगढीमा रहेको स्टेपिङ्ग ईंग्लीस बोर्डीङ् स्कुलका बिद्यार्थीहरु पठनपाठनसँगै परोपकारका काममा पनि सक्रिय रहँदै आएका छन् ।
नियमित पठन पाठनसँगै राईजिङ्ग बाल क्लब मार्फत विद्यार्थीहरू परोपकारका काममा सक्रिय रहँदै आएका हुन् ।
यसैबिच राईजिङ्ग बाल क्लब मार्फत बिद्यार्थीहरुले श्रीमान् गुमाएकी सरिता चौधरीलाई आर्थिक सहयोग गरेका छन् ।
विद्यार्थी तथा शिक्षकहरूबाट संकलन गरिएको २७ हजार रकम बिद्यार्थीहरुले बिहीबार हस्तान्तरण गरेका हुन् ।
विद्यालयमा केयर टेकरको रुपमा कार्यरत सरिता चौधरी श्रीमानको निधन भएपछि समस्या झेल्दै आएकी थिइन् ।
ऋण जोहो गरि उपचाररत रहेका श्रीमानको उपचारकै क्रममा निधन भएपछि चौधरी बेसहारा बन्न पुगिन् ।
४ छोरीकी आमा सरिता चौधरीको परिवारलाई थोरै भए पनि राहत पुगोस् भन्ने हेतुले आफूहरूले विद्यालयका विद्यार्थी र शिक्षकहरूबाट २७ हजार रकम संकलन गरेको क्लबका संस्थापक सुनिल बुढाले बताए ।
संस्थापक बुढाका अनुसार राईजिङ्ग बाल क्लबले यसअघि पनि असहाय तथा जेहेन्दार बिद्यार्थीहरुलाइ नगद तथा पाठ्यपुस्तक सहयोग गरेको थियो ।
पछिल्लो समय निजी तथा संस्थागत विद्यालयहरू व्यापारिक प्रयोजनका लागि मात्रै हुन् भन्ने आम बुझाइ रहेका बेला यस्ता परोपकारी काम गरिनु अनुकरणीय कार्य हो ।
![](https://www.paschimraibar.com/wp-content/uploads/2023/02/Dhanraj.jpeg)
साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।
क्याटेगोरी : शिक्षा, समाचार, सुदूरपश्चिम
प्रतिक्रिया