मेल्लेखमा गुणस्तरीय स्वास्थ्य सेवा : गाउँपालिका अध्यक्षद्वारा अस्पतालको अनुगमन
![](https://www.paschimraibar.com/wp-content/uploads/2023/01/ANUGAMAN.jpeg)
मेल्लेख गाउँपालिका अध्यक्ष ज्वाला सिंह साउँदले गाउँपालिकाको आधारभूत अस्पतालको अनुगमन गरेका छन् ।
गाउँपालिकाको चौखुट्टेमा रहेको आधारभूत अस्पतालको अनुगमन गर्दै अध्यक्ष साउँदले अस्पतालमा चाहिने आवश्यक स्रोत साधन , स्वास्थ्य सेवा प्रवाहको अवस्था र अवस्था बारे जानकारी लिएका हुन् ।
अस्पतालमा तत्काल भिडियो एक्स-रे र एक्स-रे सेवा सुरु गर्न एक्स-रे उपकरण जडान पनि सुरु गरिएको छ ।
गाउँपालिकाका नागरिकहरूलाई पालिका भित्रै गुणस्तरीय स्वास्थ्य सेवा प्रदान गर्न अस्पतालका लागी आवश्यक पर्ने स्रोत साधनको व्यवस्था गरिने अध्यक्ष साउदले बताएका छन्।
मेल्लेख गाउँपालिकाको आधारभूत अस्पतालमा स्वास्थ्य सेवा प्रदान गर्न हाल १ जना एम.बि.बि.एस डक्टर सहित अन्य स्वास्थ्यकर्मीको व्यवस्थापन गरिएको छ ।
अनुगमनमा गाउँपालिका उपाध्यक्ष नृप बहादुर खड्का,वडा अध्यक्ष प्रकाश अधिकारी लगायत सहभागी थिए ।
![](https://www.paschimraibar.com/wp-content/uploads/2023/02/Dhanraj.jpeg)
साउँद रेडियो बान्नीगढीको कार्यकारी निर्देशकका साथै पश्चिम रैवारको प्रकाशक हुन् । उनले खोज अनुसन्धान तथा समसमायीक बिषयमा कलम चलाउँछन् ।
क्याटेगोरी : समाचार, सुदूरपश्चिम, स्वास्थ्य-शिक्षा
ट्याग : #मेल्लेख
प्रतिक्रिया