पाकिस्तानमाथि बङ्गलादेशको ऐतिहासिक ुक्लिन स्वीपु

सुवाश अधिकारी १० घण्टा अगाडि

बङ्गलादेशले पाकिस्तानसँगको दुई खेलको टेस्ट शृङ्खलामा ऐतिहासिक ुक्लिन स्वीपु गरेको छ ।

पाकिस्तानले दिएको १ सय ८५ रनको लक्ष्य खेलको पाँचौं दिनमा ४ विकेट गुमाएर पूरा गर्दै बङ्गलादेशले इतिहास रचेको हो । बङ्गलादेशका जाकिर हसनले सबैभन्दा धेरै ४० रन बनाए । बलिङतर्फ पाकिस्तानका मिर हम्जा, खुर्रम शहजाद, अब्रार अहमद र अघा सलमानले समान १ विकेट लिए ।

घरेलु टोली पाकिस्तान दोस्रो पारीमा १ सय ७२ रनमा अल आउट भएको थियो । उसका अघा सलमानले नट आउट ४७ र मोहम्मद रिजवानले ४३ रन बनाएका थिए । बलिङतर्फ बङ्गलादेशका हसन महमुदले ५ र नहिद रानाले ४ विकेट लिए ।

यसैगरी पाकिस्तानले पहिलो पारीमा सइम अयुब, शन मसूद र अघा सलमानको अर्धशतकमा २ सय ७४ रन नाएको थियो । बलिङतर्फ बङ्गलादेशका मेहदी हसन मिराजले ५ र तस्किन अहमदले ३ विकेट लिए ।

बङ्गलादेशले पहिलो पारीमा लिटन दासको शतक र मेहदी हसनको अर्धशतकको मद्दतमा २ सय ६२ रन बनाएको थियो । बलिङतर्फ पाकिस्तानका खुर्रम शहजादले ६ विकेट लिएका थिए ।

पहिलो टेस्टमा बङ्गलादेशले पाकिस्तानलाई १० विकेटले हराउँदै इतिहास रचेको थियो । टेस्ट क्रिकेटमा बङ्गलादेशले पाकिस्तानलाई पहिलो पटक हराएको थियो ।

सुवाश अधिकारी

अधिकारी पश्चिम रैवारको सह सम्पादक हुन् । रेडियो बान्नीगढीमा समाचार सम्पादक समेत रहेका उनले समसामयीक बिषयमा कलम चलाउछन् ।

क्याटेगोरी : अन्तर्राष्ट्रिय, खेलकुद, सुदूरपश्चिम